Сляза ляза

У новай кнізе Паўла Гаспадыніча (першай паэтычнай і першай электроннай) чытача чакаюць лірычныя і драматычныя, узнёслыя і натуралістычныя, патрыятычныя і агульначалавечыя вострыя, як лязо, матывы і вобразы паэзіі. Псіхалагізм, унутраныя маналогі і плынь думак разам з рамантызмам і глыбокімі рухамі душы – гэта толькі адзінкі з таго, што прываблівае чытача ў творах аўтара. Творах, напісаных Душой і з Душой, таму шмат хто пазнае ў вершах і паэмах сябе…

Жанр:	Современная проза
Цикл:	Не является частью цикла
Год публикации:	Неизвестен

Читать онлайн Сляза ляза

ISBN 978-5-4483-7446-3

Создано в интеллектуальной издательской системе Ridero

«У самотнай цішы…»

У самотнай цішы

Ледзь рыпнулі дзверы.

Я ўбачыў цень на шпалерах —

Пэўна, з’явілася ты…

«Ты паклічаш, ты пазавеш…»

Ты пакліч мяне. Пазаві
Там заблудзімся ў хмельных травах…
Пачынаецца ўсё з любві,
Нават самая простая ява.
Я. Янішчыц

Ты паклічаш, ты пазавеш,

У дурманы траваў духмяных…

Заблукаем у роснай імгле,

Знікнем разам у белых туманах…

Пачынаецца ўсё з любві,

Нават зманнасць нябеснага шляху.

Перад намі абсягаў гады,

Па-за намі – пакінутасць страху.

Распранаецца поўні святло

У вачах тваіх бляскам любові…

І ліецца з нябёсаў сяйво

Асляпляльна-празрыстай няволі.

Ты палічаш, ты пазавеш

Заблукаць у дзівосным адхланні…

На світанку ў роснае смузе

Знікнуць разам у белым тумане…

«Я напішу верш для цябе…»

Я напішу верш для цябе

Удзень самотны і журботны.

Як сонца ўтопіцца ў вадзе —

Я напішу верш для цябе.

Я напішу верш для цябе

Апалым полымем пачуццяў.

Асадкай сэрца у мане —

Я напішу верш для цябе.

Я напішу верш для цябе

Стагоддзем вечнай адзіноты.

Палётам дзіды на вайне —

Я напішу верш для цябе.

Я напішу верш для цябе

Збуцвелым кветам асалоды.

Нектарным прысакам у сне —

Я напішу верш для цябе.

Я напішу верш для цябе

Маладзікова срэбнай сцюжай.

Калі прачнешся без мяне —

Я напішу верш для цябе.

Я напішу верш для цябе

Сутоннем пожадным і прагным.

У барвах смутку і ў смузе

Я напішу верш для цябе.

Я напішу верш для цябе

Удзень самотны і журботны.

Стагоддзем вечнай адзіноты,

Збуцвелым кветам асалоды.

«Вас, відаць, не было сапраўды…»

Вас, відаць, не было сапраўды

Ля крыніцы, ля вішань, ля студні…

Нібы сон, паўтараліся Вы,

І балелі-балелі мне грудзі…

Вы прыйшлі, нібы з неба святло —

І з прадоння Сусвет утварыўся…

Разлілося паўсюдна цяпло,

І як быццам яму я маліўся…

Вас усмешкай аздобіла ноч,

Кожнай зоркай, травінкай, лісточкам…

Бласлаўлення святога ад воч

Атрымаў я у райскім куточку…

Вы, як цень, адбіваліся ў дні,

Быццам воблака, ноччу сплывалі…

Таямніцаю спеў Ваш вірыў,

Вашы словы ў вышынях луналі…

Вас, відаць, не было сапраўды —

Кроза дзіўная свету прывідаў…

Нібы сон, паўтараліся Вы

У абшарах маіх краявідаў…

«Горкім сном не прысніцца віна …»

Горкім сном не прысніцца віна —

Не мая, не твая, а чыя?

Як не прыйдзе ніколі вясна,

Не яго, не яе, а чыя?

Памяць ціха стаіць ля вакна —

Не мая, не твая, а чыя?

Нібы Чаша пакутаў без дна,

Не яго, не яе, а чыя?

Цемра плача з відна да відна —

Не мая, не твая, а чыя?

Уцякае скрозь пальцы вада —

Не яго, не яе, а чыя?

Новым днём прывітае зіма —

Не мая, не твая, а чыя?

Неўзабаве ўсё ж прыйдзе вясна —

Для яго, дя яе – Нічыя.

«Спаўзе ў гушчар туман сівы…»

Спаўзе ў гушчар туман сівы

Між елак покрывам бялюткім.

Ізноў прысніцеся не Вы

У панаванні Рэха гнуткім…

Спаўзе з галінкі кроплі звон,

Які падхопіць шоргат лісця…

Ізноў сустрэнецца Вам Ён,

У мроях стрэчаны калісьці.

Спадзе на вокны змроку цень,

Кране далоні сарамліва…

Ізноў не Вы – самотны дзень

Аб нечым просіць палахліва…

Не сніцца Парыжу ворыва водар…

(Леаніду Дранько-Майсюку)

Мая душа не плача, а пяе, бо стомлена не лёсам, а табою.
(Л. Дранько-Майсюк)
Твая душа – нячулая машына, выразны запіс.
(Х. Картасар)

Не сніцца Парыжу ворыва водар,

Не бачыцца ў снах паплавоў хараство.

Вялікі адметнасцю светлаю горад,

Палескіх не сніць краявідаў даўно.

Самотны і з тым, без таго, у трывозе,

Палонены снамі стамлённа-чужых,

Не сніцца адчайна між вежаў і плошчаў

Усходняга вальсу багемны уздых…

Не сняцца Парыжу ліцьвінскія вочы,

Паэта здалёку, Паэта з не тут.

Ды чуе надоствітку, цішай, употай

Вандроўніка шэпат здзіўлены Луўр.

Дыханне займае прасторы і часу,

І водарыць – Божа! – нязнанасцю сноў,

Якія вяслуюць прывідамі страху

У колерах белых, чырвоных, бы кроў…

Адкуль жа самота? Нячутна-знаёма,

Продолжить чтение

Вам будет интересно

Меня спросили: «Кто же Вы?»

Юрий В. Выборнов

В стихотворениях, вошедших во вторую книгу «Меня спросили: «Кто же Вы?» Юрий В. Выборнов говорит в полный голос, говорит правдиво, без лицемерия и фальши, в его произведениях происходит серьёзное критическое осмысление действительности и тем не менее он возвращается к лирическим темам, где выражает свои переживания и присутствие романтической приподнятости....

Читать онлайн

Избранник Судьбы. Цикл книг «Эйриния». Серия «Марк и Афин». Том IV

Сергей Маркелов

«Немного отклонившись» от намеченной цели, друзья «забредают» в столицу некогда могучей Асмахамской империи – город Акаптха. Где с легкой руки Афина Марк оказывается вовлечен в «гонку за местный престол». В результате которой друзья натыкаются на корабль Небес – Наследие прошлых Цивилизаций.На котором они все вместе отправляются в путешествие по бескрайним южным пустыням. Дабы наконец достичь оазиса Бессария и спасти «попавшую в беду» дочку картографа…...

Читать онлайн

Справочник программиста в стихах. От проектирования до внедрения

Константин Рочев

В этом сборнике-справочнике изложены особенности всего цикла разработки программ от проектирования до внедрения. Каждому существенному определению или принципу разработки в этой книге посвящено по несколько четверостиший.Здесь представлены рекомендации по анализу и постановке требований, управлению жизненным циклом проекта, проектированию архитектуры и разработке программных систем. Описаны некоторые базовые алгоритмы, типовые подходы и решения к написанию кода, перечислены некоторые программные...

Читать онлайн

Всё так, как должно быть!

Юлия Климина

Книга-откровение для меня и моих близких. История одной самой простой-непростой Юлечки глазами этой самой Юлечки.Автобиографические рассказы для моего внутреннего ребенка, изменившие мою жизнь!Не оставляет равнодушным никого....

Читать онлайн